నే పాడని ఈ రాగం

నే రాయని ఈ గీతం

చరణం, పల్లవి, తాళం లేవు…

గుండెల్లో సరాగం తెలియదు

గమ్యం తెలియని పయనం

దారే దొరకని తీరం…….

ఎండమావులు ఎడారి దాటుతూ

దాటుతూ – దాగుతూ మార్గం వెతుకుతూ

ఊటలేని బాటలు నడుస్తూ

నిస్సత్తువ నిండుతూ ఉంటే…

అడుగేయగలవా…! అని ప్రశ్నిస్తూవుంటే

గెలుపంటేనే తెలియని గమనం

ఓటమికీ భయపడుతుందా –!

ఆగిపోయి మనగలుగుతుందా..!

ఓ వేసవి ….ఓ వేకువ

ఓ వేకువ…. ఓ జాము

ఆ వెన్నెల ఈ కన్నుల కలలను దాటి చేరేదెన్నడో..

నిండు మబ్బుల నిశీధి రాత్రిలో

వసంతకాంతులు పూచేదెప్పుడో …!

~14/03/2025